Харадинај: Дијалог со Белград може да има само ако Србија го признае Косово
Со учество во дијалогот меѓу Белград и Приштина, Косово ја задржува подредената и сервилна позиција кон Србија, изјави лидерот на косовската опозициска партија Алијанса за иднината на Косово Рамуш Харадинај.
Тој истакна дека е против продолжување на дијалогот се додека Србија не го признае Косово, и додаде дека во неговата земја не недостасуваат луѓе кои се подготвени да се спротивстават на преговорите со Белград, пренесува БТА.
- Само едно прашање е отворено за дискусија со Србија - да го признае Косово. Ако Србија е подготвена да го прифати, тогаш можеме да седнеме на маса за преговори. Ако не, треба да чекаме, нагласи Харадинај.
Косовскиот опозициски лидер, кој беше уапсен во Франција на 4 јануари по наредба издадена од Србија, наведе дека неговото апсење е злоупотреба на правосудството.
Србија го обвини Харадинај за воени злосторства за време на конфликтот во Косово од 1998 до 1999 година, и покрај тоа што тој беше суден и ослободен во Меѓунаридниот тибунал во Хаг.
Косово објави независност од Србија во 2008 година, што Белград не ја признава.
Белград и Приштина водат дијалог за нормализирање на односите со посредништво на ЕУ.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје