Харадинај: САД се против поделбата на Косово
Косовскиот премиер во оставка Рамуш Харадинај денеска на прес конференција, по откривањето на споменикот на жртвите на нападот врз Кулите близначки на 11 септември, предупреди на опасноста од „српската пропаганда” против неговата земја заради напорите на Белград да се повлечат признавањата на косовската независност, пишува косовскиот весник „Газета Експрес”.
Во врска со смената на Џон Болтон од позицијата советник за национална безбедност, кој, според медиумите, е поддржувач на идејата за поделба на Косово, премиерот изјави дека САД го штитат Косово, а Болтон не ја поддржуваше идејата за поделба.
-За САД Косово е линија на фронтот. Убеден сум дека САД ќе бидат со Косово. Слушнавме многу гласини. Никој во САД не ја поддржува поделбата на Косово, вклучувајќи го и Болтон, рече Харадинај.
Тој повтори дека 100-отстоните царини за увозот од Србија, што минатата година го наметна неговата влада, ќе бидат повлечени само откако Србија ќе го признае суверенитетот на Косово.
-Царините ќе бидат повлечени само по признавањето, рече Харадинај за време на прес конференцијата во Приштина.
Ново на Сител
-
Државјани од Србија и неколку македонски државјани кои беа евакуирани од Израел, пристигнаа во Белград
-
Кривичен суд: Реализирана прва екстрадиција од Емиратите во нашата земја
-
Четири ленти и велосипедска патека, започнува изградбата на булеварот „Борис Трајковски“
-
Мерц: Трамп ме увери дека американската армија ќе остане во Германија
-
Николоски: Градежништвото повторно со двоцифрен раст
-
Најстудено во Берово и Маврови Анови, на Попова Шапка 74 сантиметри снег
-
Од Министерството за односи меѓу заедниците исчезнати 30 лаптопи, точено гориво без контрола, исплаќани плати без доказ за присуство
-
Гроси: МААЕ нема докази дека Иран развива нуклеарна бомба
