Хоџа: Новата партија во Собранието ќе делува конструктивно, првиот чекор се уставните измени
Убедени сме дека од овој политички моментум ова ќе биде една авангарда, односно ќе биде најпозитивната политичка сила која што ќе придонесе во иднината на државата и долгорочноста на процесите што не очекуваат пред нас, а особено за интегрирање на земјата во ЕУ, порача неодамнешниот заменик-претседател на Беса, Арјанит Хоџа пред почетокот на основачкото собрание на Европската демократска партија.
На основачкото собрание на новата политичка партија, кое се одржа во Скопје, Хоџа истакна дека новата партија ќе делува во Собранието, конструктивно.
-Во политичката сцена отвораме нова страница, страница која ќе придонесе за демократизацијата и имплементирањето на европските вредности во политичката сцена, оцени Хоџа.
Рече дека првиот чекор на партијата ќе бидат уставните измени.
-Пред нас првиот чекор односно првата битка е уставните измени. Значи без да има епилог во делот на уставните измени, ние не можеме да кажеме како ќе се одвива политичката сцена. Нормално очекуваме да поминат уставните измени, бидејќи тоа е отворање на вратата за влегување во ЕУ. Доколку не поминуваат, тогаш државата влегува во едно сценарио каде што навистина европската перспектива има потреба од политички сили што треба да се соединат и да не оставаме државата да остане во рацете на политичари што сакаат да ја изолираат, изјави тој.
Коментирајќи ја вчерашната посета на Курти тој истакна дека државава треба да се дистанцира од Србија поради руското влијание во регионот.
-Македонија треба што подалеку да стои од Србија, односно од руското влијание во регионот. Така да, индиректно е дадена порака и во самата опозиција и луѓето што го пречекаа Курти таму дека треба да бидат внимателни да не работат под диктат на политички структури што индиректно или директно работат за Русија, односно за изолирање на државата и за попречување на патот на државата кон ЕУ, изјави Хоџа.
Информира дека засега ќе дејствуваат самостојно без да се приклучат на страната на власта или опозицијата.
Ново на Сител
-
Ханије: Подготвени сме за сеопфатен договор, во согласност со планот на САД
-
ЦУК: Тешки бетонски блокови пред паѓање висат од тераса спроти Владата
-
Руските безбедносни сили упаднале во притворниот центар и ги убиле затворениците кои држеа двајца чувари како заложници
-
Сиљановска-Давкова: Војната во Украина не е украински, туку европски и светски проблем
-
Талибанците ќе испратат делегација на претстојниот состанок во Доха за Авганистан
-
66-годишен велосипедист тешко повреден во сообраќајка во Илинден
-
Курбан Бајрам одбележуваат припадниците на муслиманската вероисповед
-
Во Владата истакнат премиерски портрет на Џафери