Хорор: Растроен маж тепаше се живо во трамвај во Загреб
Вистински хорор преживеаја патниците на трамвајот број 12 кој сообраќа низ Загреб во вторникот попладне кога беа мета на растроен маж.
Благодарение на брзо испратениот повик за помош, полициско возило му го попречи патот на трамвајот пред загребска Цибона, а полицајците му ставија лисици на здивениот патник. Во целиот метеж три лица се повредени.
-Влезе во трамвајот и почна по ред да ги удира патниците со тупаници и со нозе како некој манијак. Не делуваше пијано туку растроено. Полициско возило му го попречи патот на трамвајот, а полицајците влегоа и го опкружија мажот за да не им побегне. Преговараа со него 5 минути, вели патничка од трамвајот.
Една од патничките што била мета на насилникот била тинејџерка.
-Целата лева страна од лицето и беше модра, а носот крвав. Вториот пвореден патник не излегуваше од трамвајот додека не стигна итната помош. Седеше и плачеше. На третиот повреден крв му течеше од увото. Жалосно е што се случуваат вакви работи среде бел ден, вели друга патничка, видно вознемирена од нападот.
На напаѓачот ќе му биде поднесена кривична пријава за нарушување на јавниот ред и мир, а кога полицијата ќе ги добие болничките извештаи од повредените насилникот ќе биде гонет и кривично.
Ново на Сител
-
Ураганот Берил ја погоди Јамајка и ослабен се упати кон Мексико | ВИДЕО
-
Променливо облачно, во западните и крајните источни делови со локален дожд
-
Нa Табановце и Богородица за излез од земјава се чека 30 минути
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики