Хуманитарна акција за новогодишни пакетчиња во Крива Паланка
Кривопаланчани денеска имаа можност да ја покажат својата хуманост донирајќи артикли за формирање новогодишни пакетчиња за дечињата од руралните средини во општината.
Акцијата е дел од Програмата за Промоција на хумани вредности на Општинската организација на Црвен Крст, Крива Паланка, а ја реализираа волонтерите од Клубот на млади.
- На пет собирни пунктови пред поголемите маркети во градот беа распоредени дваесетина волонтери кои ги собираа хуманитарните прилози од граѓаните, прехрамбени продукти или финансиски средства. Акцијата е насловена „Хуманоста пред се“, пунктовите беа отворени од 10 до 15 часот, а Паланчани масовно се одѕваа и помогнаа да формираме што поголем број пакетчиња. Право на среќа има секое дете, да помогнеме да не биде ускратено никому. Со оваа акција подаваме рака, даруваме за да создадеме што повеќе насмевки, изјави Петар Ѓошевски, координатор на млади волонтери при ОО Црвен Крст, Паланка.
Собраните продукти и финансии се наменети за пакетчиња кои ќе бидат доставени до децата од семејствата од руралните средини во општина Крива Паланка, а Ѓошевски рече дека со дарувањето пакетчиња се дарува и љубов која на овие дечиња, нагласи, ќе им ги згрее срцата.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден