Хуманитарна трка за деца со Даунов синдром
Во Градскиот парк во Скопје денеска првпат ќе се одржи хуманитарна трка на еден километар по повод Светскиот ден на лица со Даунов синдром.
Целта на оваа спортска манифестација е да се подигне свеста за лицата со Даунов синдром, нивен еднаков пристап до спортот и спортските активности.
Трката е од отворен карактер и неа ќе учествуваат и деца со Даунов синдром и нивните семејства. Сите кои ќе сакаат да учествуваат во трката ќе треба да донираат 150 денари, додека учеството на трката за лицата и децата со Даунов синдром е бесплатно. Сумата која ќе биде собрана ќе се користи за обезбедување услови за тренирање со овие дечиња во текот на целата година, како обезбедување сала, реквизити, стручни лица за работа, организирање на семинари.
Сите деца со Даунов синдром по завршување на трката ќе бидат наградени со медали и пригодни подароци. За останатите натпреварувачи ќе бидат обезбедени награди по лотарија систем.
На овој спортски хепенинг после трчањето ќе има уште три спортски активности кои се од забавен карактер: мечување, кошарка и фудбал.
Настанот е во организација на Мечувачки клуб Ескрим.
Ново на Сител
-
Вучиќ: Србија останува стабилна, нема одлука за избори по оставката на премиерот
-
Изненадувачки голема реколта на тутун годинава во Македонија
-
Тема на денот со Маријана Лончар Велкова, претседателка на организација на потрошувачи
-
Бојкот на маркетите во петок, поради високите цени
-
ЕСМ бара поскапување на парното
-
Касами ќе премиенува 300 улици во Тетово, премиерот дециден - Владата нема да одобри еднострани одлуки на општината
-
Владата одлучи: 250 милони евра од унгарскиот кредит на располагање на стопанството
-
Утре ќе стигнат дел од дефицитарните лекови на Онкологија