И кумановски пожарникари ќе го гаснат пожарот во Тетово

Општина Куманово итно испрати противпожарни екипи како поддршка на територијалната противпожарна единица Тетово во гасење на активниот пожар во фабриката во Тетово.

– Испративме екипа како поддршка на колегите од Тетово, изјави командирот на кумановската противпожарна единица, Дејан Илиевски.

Од општината денеска информираа дека една цистерна од Јавното претпријатие „Чистота и зеленило“ е пратена како поддршка на колегите комуналци во Тетово, поради вчерашното невреме кое го зафати тој регион.