-->
-->
Ибра не се предава, најави враќање во топ форма
-->
Фудбалерот на Манчестер Јунајтед, Златан Ибрахимовиќ, рекол дека нема намера да стави крај на кариерата и покрај повредата на предниот вкрстен лигамент во коленото. Ибрахимовиќ, дополнил дека по повредата ќе се врати уште посилен на фудбалските терени.
Златан Ибрахимовиќ (35), во последните моменти од регуларниот дел на четвртфиналниот реванш во Лига Европа, против Андерлехт, ги скина предните вкрстени лигаменти во коленото, клубот во неделата објави дека тој е тешко повреден, а британските медиуми започнаа да шпекулираат дека шведскиот напаѓач ќе ја заврши кариерата.
„Ќе минам низ оваа повреда како низ многу други работи во животот. Ќе се вратам уште посилен. Веќе сум играл „со една нога“, ова нема да преставува проблем. Едно е сигурно, сам ќе решам кога е вистинското време да ја завршам кариерата. Откажувањето не е опција. Се гледаме наскоро“, објавил Ибрахимовиќ на својот профил на „Инстаграм“.
Рехабилитацијата по ваквата повреда вообичаено трае помеѓу шест и девет месеци, што значи дека тој на фудбалот може да му се врати на почетокот на наредната година.
Швеѓанецот, минатото лето пристигна во Манчестер Јунајтед од ПСЖ. Тогаш потпиша едногодишен договор, кој се уште не го продолжил иако сезоната е при крај.
Оваа сезона, Ибрахимовиќ е најдобриот стрелец на Јунајтед, со 28 голови на 46 одиграни натпревари во сите клупски натпреварувања.
-->
-->
-->
Ново на Сител
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“