Илјадници Јапонци се собраа на протест со барање за оставка на Шинѕо Абе

Илјадници Јапонци се собраа денеска на протест во центарот на Токио да побараат оставка на премиерот Шинѕо Абе, како и укинување на законот кој на јапонската армија и дозволува да се бори зад граница.

Демонстрантите, од кои повеќето пензионери, се собраа пред парламентот и во соседниот парк и подигнаа транспаренти со слогани како „Повлече се, Влада на Абе!" и „Граѓаните менуваат политиката".

Опозициските партии во Јапонија се надеваат дека нема да и дозволат на владејачката коалиција на Абе да освои мнозинство во парламентот на претстојните избори на 10 јули.