Името Горна Македонија не е поволно за Бугарија, вели поранешниот бугарски претседател
Решението на спорот за името меѓу Македонија и Грција не треба да биде на сметка на Бугарија, изјави во утринската емисија на БТВ поранешниот бугарски претседател Георги Прванов.
Деблокирањето на дијалогот меѓу Грција и Македонија за спорот за името го оцени како мошне поволен, но изрази загриженост поради некои од можните решенија кои се споменуваат.
– Ме загрижува тоа што почнуваат да се водат разговори во насока на неколку решенија, од кои некои не се поволни за бугарската страна, нагласи тој.
Прванов, кој беше претседател на Бугарија од 2002 до 2012 година, потсети дека Бугарија ја признала Македонија под уставното име.
– Да, ние ја признавме Македонија под уставното име, при тоа бевме први кои го сторија тоа, но претставувањето на решенијата како Горна Македонија или Северна Македонија се во полза на Грција, но на сметка на Бугарија, нагласи Прванов.
Истакна дека на Бугарија не и е сеедно како ќе завршат овие преговори и додаде дека во еден момент ќе мора да има и некакво усогласување со бугарската страна.
– Името Северна или Горна Македонија го вклучува Пиринскиот регион, Егејскиот регион не го коментираме, а истовремено претензиите кон Бугарија остануваат, лебдат во воздухот. Ова е нешто за кое најмалку треба да преговараат владите на двете земји, додаде тој.
Според него деблокирањето на преговорите меѓу Атина и Скопје е пред се поради притисокот од Запад, односно од САД.
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија