Иницијатива за воспоставување авиолинија Охрид-Белград
Повторното воспоставување директна авионска линија на релација Белград - Охрид - Белград во значајна мера ќе придонесе за развојот на туризмот во Охрид, а ќе придонесе и за олеснување на патувањето за туристите од прекуокеанските земји и нашите иселеници.
Тоа е оценката на градоначалникот на Охрид Никола Бакрачески кој вчера оствари средба со раководството на српската авиокомпанија „Ер Србија“.
- Со поврзувањето и конекциите кои белградскиот аеродром ги разви изминатите неколку години, Охрид ќе биде поврзан и со голем број европски дестинации од кои може да идаат гости. Со најавената линија на белградскиот аеродром со Њујорк која ќе започне да оперира пет пати неделно почнувајќи од јуни годинава, се создаваат можности, доколку секако го потпишеме договорот, за поврзување на охридскиот аеродром и со прекуокеанските држави како што е САД и привлекување гости од таму, а ќе ја привлечеме и нашата дијаспора која ќе може на полесен начин да дојде во Охрид, рече денеска Бакрачески.
Средбата во Белград ја оцени како конструктивна, на која бил пројавен интерес за воспоставување директна авионска врска.
За охридската локална самоуправа постои особен интерес таквата иницијатива да се реализира, бидејќи е во согласност со напорите за интензивирање на сообраќајот кон аеродромот во Охрид. Бакрачески информира дека се прават напори за воспоставување авиолинии и до некоја од дестинациите во северна Италија или северна Германија.
Ново на Сител
-
Приведен маж од Дебрца, возел со 1,53 промили алкохол во крвта
-
Мицкоски не очекува криза, очекува заканите од ДУИ да продолжат со несмален интензитет
-
Велешанец најден мртов во неговиот двор со траги од крв во пределот на главата
-
Мисајловски: Нема да има македонски војници во Украина
-
Манев: Таткото на Вања воопшто не е инволвиран во случајот!
-
Манев: Со солзи во очите ја закопав Вања откако Палевски со пиштол и перниче во раката и испука куршум
-
Приведен лихвар од Куманово
-
Две жени од Кавадарци и Неготино пријавиле физички напад и закана од сопрузите