Интернационален Фестивал за спортови во природа во Демир Капија
Викендов во Демир Капија трет пат се одржува интернационален Фестивал за спортови во природа. Фестивалот го организираат општината Демир Капија, Фондација ЦЕНЕТ и Спортскиот клуб „Клисура“.
- Организаторите направија програма која на сите учесници, алпинисти, планинари, велосипедисти, спелеолози и извидници ќе им овозможи незаборавно уживање и дружење во преубавата природа во Демир Капија, информира општина Демир Капија.
На програмата беа планинарска прошетка до археолошкиот локалитет Просек, возење велосипед од Демир Капија преку селата Преждево и Бесвица и назад до Демир Капија, алпинизам и качување по карпите на Демиркаписката клисура.
Во салата на Домот на културата „Мирка Гинова“ се прикажа премиерата на руската бајка „Редот на нештата“, снимена минатата година во пределите на Демир Капија.
Според програмата, за денеска се предвидени повеќе активности-алпинизам и качување во кањонот на Демир Капија и алпинистички натпревар во техничко качување, планинарска прошетка до село Копришница и Копришничките водопади, планински велосипедизам – од Демир Капија до браната на река Дошница. По презентациите на спортски искуства и успеси, следи доделувањето на наградите за најдобрите и признанијата за учесниците.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид