Ирак повторно побара повлекување на турските војници од негова територија

Шефот на ирачката дипломатија Ибрахим ал Џафар повторно ја повика Турција да ги повлече своите војници од северниот дел на Ирак и ја предупреди Анкара дека во спротивен случај Багдад би можел воено да одговори.

Спорот меѓу Турција и Ирак е од почетокот на месецот, откако беа распоредени турски војници во базата Башика, Северен Ирак. Турските војници помагаат во обуката на сунитските и курдските борци, кои војуваат против Исламска држава.

Распоредување на турските војници го разлути Багдад оценувајќи дека нивното присуството на ирачка територија е незаконско и побара целосно повлекување. Турција само делумно ги повлече војниците.

- Ако не биде постигнато решение и ако бидеме принудени на судир, ќе помислам како да го заштитам нашиот суверенитет, посочи Џафар.

Тој додаде дека присуството на турските војници на ирачка територија е нарушување на суверенитетот на Ирак.

- Според постапките на Турција јасно е дека таа нема сериозни намери да ги повлече своите војници од Ирак, наведе Џафар.