Иран го нападна Тел Авив со ракети со касетна муниција, погодени и објекти во Хаифа

Иран го нападна Тел Авив со ракети со касетна муницијаОбјавено пред 34 минути  - 6 април, 2026Од А. O. / Макфакс

Израелските медиуми објавија дека Иран повторно употребил касетна муниција во нов ракетен напад врз областа Тел Авив рано утрово, објави новинската агенција ДПА.

Во близина на Тел Авив имало околу 20 места на удар, објави новинската страница Ynet. Неколку лица се повредени, вклучувајќи и жена која е тешко повредена, соопштија службите за итни случаи Маген Давид Адом. Училиште во градот Тел Авив, исто така, било погодено.

Исто така, имало околу 10 места на удар во областа Хаифа на север по иранскиот напад со касетна муниција, објави Ynet. Според извештаите, неколку автомобили биле запалени.

Во текот на ноќта, две лица биле пронајдени мртви во зграда во Хаифа откако иранска ракета го погодила местото во претходен напад. Невладината организација Human Rights Watch неодамна ги осуди нападите со касетна муниција на Иран врз израелските градови, велејќи дека тие би можеле да претставуваат воено злосторство.