Италија му дозволи на бродот „Оушн Викинг“ да вплови во пристаништето во Месина со 213 мигранти
Италијанските власти, заради лошите временски услови, денеска му дозволија на хуманитарниот брод „Оушн Викинг“, кој со денови плови по Медитеранот, со 213 мигранти да вплови во италијанското пристаниште Месина, јавија италијанските медиуми.
Хуманитарната организација „СОС Медитарене“ вчера соопшти дека бродот добил одобрение да влезе во Месина, на североистокот од Сицијија.
Бродот минатата недела спаси 215 мигранти. Една бремена жена,која очекувала близанци, и еден маж, веќе беа пренесени на копното со хеликоптер.
Бродот „Опен Армс“ на шпанска невладина организација минатата недела пронајде уште 73 мигранти во Средоземно море. Засега се уште не се знае дали и каде овој брод ќе добие дозвола за пристигнување.
Двете невладини организации често пати бараат дозвола за пристапување до италијанските или малтешките пристаништа.
Овие две земји ги отвораат своите пристаништа само ако постигнат договор мигрантите да се распоредат во други држави членки на ЕУ. Се додека не се постигне таков договор, мигрантите чекаат до денови на бродовите. Преговорите главно ги координира Европската комисија.
Преполниот брод, долг само десетина метри, од саботата чекаше на околу два километри оддалеленост од италијанскиот остров Лампедуза.
Ново на Сител
-
Тема на денот со Дарко Аврамовски
-
Пентагон: Билатералните односи да останат надвор од НАТО
-
Се китат со туѓи перја - Српскиот министер за култура го присвои родното место на Јустинијан Први
-
Пратениците од крилото на Села остануваат со Европскиот фронт
-
ВМРО-ДПМНЕ со обвинувања до Венко Филипче
-
Задругите се иднината на Македонското земјоделие, но се уште се на незавидно ниво
-
Спектакуларно отворање на 50-то издание на фестивалот на народни песни ,,Пеце Атанасовски‘‘ во Прилеп
-
По теркот на останатите туристички центри потребно е да се работи на инклузивен туризам