Италија: Владата ќе ги брише податоците од апликација за следење заразени со коронавирусот
Италијанската Влада издаде указ со кој податоците собрани преку мобилна апликација што го олеснуваат следењето лица кои биле во близок контакт со заразени лица од коронавирусот, ќе бидат целосно анонимни. Покрај тоа, сите тие податоци ќе бидат избришани до крајот на годината.
Премиерот Џузепе Конте изјави по вчерашната седница на кабинетот, кој го одобри законот во форма на декрет, дека тој лично ќе осигура дека оние што одбиваат да ја користат телефонската апликација нема да бидат предмет на ограничувања за движењето или нивните други права.
Здравствените власти во државата охрабруваат употреба на апликацијата како клучна алатка против ширењето на коронавирусот и против втор бран зарази.
Владата, исто така, одлучи дека секое барање за куќен затвор на осудените мафијаши по основ на Ковид-19 треба да биде одобрено од Обвинителството, а ако се работи за криминални шефови, од страна на националниот анти-мафијашки обвинител. Таа одлука се донесе откако обвинителите изразија загриженост дека мафијаши може да ја користат пандемијата за да излезат од затвор.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд