Иванов на средби со македонската дијаспора во Австралија
На покана на македонската добротворна организација од Австралија (MCWA), поранешниот претседател Ѓорге Иванов ќе биде покровител на неколку настани од добротворен и хуманитарнен карактер кои ќе се одржат овој и следниот викенд во Мелбурн и во Сиднеј.
Настаните, како што соопштија од Кабинетот на Иванов, се организирани од неколку организации на македонската дијаспора од Мелбурн и Сиднеј и се за поддршка на повозрасните лица од македонската заедница во Австралија. Иванов, се вели во соопштението, со подршка на овие хуманитарни активности се очекува да ја подигне свеста за можноста да се помогне и придонесе за подобар третман на повозрасните лица од македонската заедница.
– Сите овие настани се поттикнати од фактот што австралиската Влада веќе има започнато промени и воведено реформи за поддршка и нега на возрасни лица од сите заедници кои живеат во државата, додаваат од Кабинетот.
Оттаму информираат дека покрај традиционалните вечери кои е планирано да се одржат на 22 февруари во Мелбурн и на 28 и 29 февруари во Сиднеј и Волонгог на кои Иванов ќе се сретне со македонската дијаспора, планирани се и повеќе активности како посета на училиште финансирано од австралиската Влада, а во кое наставата се одвива на македонски и англиски јазик, посета на детска болница, посета на општината Витлеси и средба со градоначалничката од македонско потекло Емилија Лиза Стериовска, посета на седиштето на MCWA и средби со социјални групи, средби со преставници на македонската бизнис и академска заедница и уште неколку активности од хуманитарен карактер.
– Посетата на Иванов на Австралија ќе заврши на 1 март, со средба со Македонците во Сиднеј на настан организиран од страна на фудбалскиот клуб Сиднеј Македонија, стои во соопштението.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден