Иванов на Светски економски форум за Блискиот Исток и Северна Африка во Аман
Претседателот на Република Македонија Ѓорге Иванов денеска престојува во работна посета на Хашемитското Кралство Јордан по повод учеството на Светскиот економски форум за Блискиот Исток и Северна Африка, што се одржува во Аман.
Иванов, како што соопшти неговиот Кабинет, ќе учествува на пленарната сесија на свеченото отворање на Светскиот економски форум за Блискиот Исток и Северна Африка и на сесијата на тема „Заштита на бегалци: наша морална одговорност“.
Во рамки на работната посета, претседателот Иванов ќе оствари билатерална средба со кралот на Хашемитското Кралство Јордан, Абдула II, како и повеќе билатерални средби со учесниците на форумот.
На Светскиот економски форум за Блискиот Исток и Северна Африка е најавено учество на над 1.000 политички лидери, претставници од бизнис секторот и цивилното општество, од повеќе од педесетина држави.
Домаќин на форумот е Кралот на Јордан, Н.В. Абдула II.Меѓу лидерите на Светскиот економски форум, што се одржува во Аман, Мртво Море, е Претседателот на Република Македонија, Ѓорге Иванов, кој учествуваше на пленарната сесија на свеченото отворање на форумот на кој се се обратија Принцот на Јордан, Кралот на Шпанија и претседателите на Ирак и Нигерија. Лидерите од целиот свет дискутираат на повеќе теми кои се од глобално значење. Меѓу темите на дискусија е улогата на Кралството Јордан во регионот, економските перспективи на земјите од овој регион, промените во геополитиката и хуманитарните предизвици во однос на состојбите во Сирија, Ирак и Либија, како и актуелната мигрантската криза.
Темите на дискусија на форумот се однесуваат на улогата на Кралството Јордан во регионот, економските перспективи на земјите од овој регион, промените во геополитиката и хуманитарните предизвици во однос на состојбите во Сирија, Ирак и Либија, како и актуелната мигрантската криза.
Јордан важи за оаза на стабилност и мир на Блискиот Исток, иако е прв сосед на најголемите регионални кризни жаришта, “тампон зона“ помеѓу Израел и неговите регионални противници и крстопат помеѓу наголемите шиитски и сунитски држави.
Ново на Сител
-
Опожарен стан во Ѓорче Петров, гори ѓубриште во домот „Ранка Милановиќ“
-
Русија осуди тинејџер на 12 години затвор поради испраќање пари на армијата на Киев
-
Радев: На државниот врв на Република Северна Македонија им недостасува познавање на меѓународното право
-
Трипуновски: Ги потпишав сите заостанати договори и документи во Министерството
-
Најмногу дожд наврнал во Охрид
-
На „Табановце“ се чека околу 20 минути за влез во земјава
-
Србија: Го величел напаѓачот пред израелската Амбасада во Белград и признал дека ја поддржува ИД
-
Пожарникари од четири земји и ова лето ќе бидат лоцирани во Грција за да помагаат во гаснењето на пожарите