Изгаснат пожарот кај Велес, но се уште има жаришта

Според информацијата од Противпожарната единица од Велес, вчера околу 19 часот  е изгаснат  големиот пожар на ридот Гроот над Велес со кој, според првичните проценки, биле зафатени околу 200 хектари ниска дабова шума и пасишта.

 

Пожарот кој попладнево избувнал околу 14 часот го гаснеа екипи на ППЕ од Велес и вработени од ЈП Шумско стопанство „Бабуна“ од Велес.

 

Како што информираа од ППЕ, имало уште неколку жаришта поради што екипи од ЈП „Македонски шуми  Шумско стопанство Бабуна“ од Велес синоќа останале на терен, за донекаде да ја контролираат состојбата. 

 

Гаснењето на пожарот беше отежнато и поради ветрот кој попладнето непрекинато дувал на овој реон.