Изгаснат пожарот над штипското село Драгоево

Изгаснат е пожарот на планината Серта над штипското село Драгоево, потврди за МИА командирот на ТППЕ-Штип, Тони Атанасов.

Мештаните го пријавија вчера околу 12 часот, а гореше смрека, сува трева и ниско стеблести растенија. Теренот беше непристапен за пожарникарите и за вработените во ЈП Национални шуми, цел ден и цела ноќ го надгледуваа ридот каде што гореше и тлееше.

Пожарникарската екипа во моментов се враќа од терен. Во текот на вчерашниот ден пожарникарите забележаа и ги фотографираа трагите од мотор, кој можел да пристапи кон високиот рид на планината Серта. Овој пожар ќе биде предмет на истрага и за полицијата.