Изложба на Харис Кондосфирис и Кристина Ѕани од Грција во Остен
Во рамки на Офф-програмата на ОСТЕН Биенале на цртеж Скопје вечер со почеток во 20:20 часот, во галерија Остен ќе биде отворена изложбата на двајца уметници од Грција, Харис Кондосфирис и Кристина Ѕани.
И Кондосфирис и Ѕани беа учесници на Биеналето на цртеж Скопје 2016 и беа претставени во каталогот со свои репродукции.
Кондосфирис работи со цемент, објекти и цртежи (цемент на хартија), а Сани со исклучително впечатливо фигуративно сликарство (акварел на хартија). Поставката ќе трае до 3 мај, годинава, а влезот е слободен.
Харис Кондосфирис е роден во 1965 година, а живее и работи во Лерин, Грција. Студирал филмска режија и ликовна уметност. Учествувал на меѓународни проекти во Италија, Германија, Турција, Велика Британија, Бразил и Кина. Тој бил претставник на Грција на 26 Биенале на Сао Паоло, Бразил (2004) и учествувал на Биеналето на Пекинг (2005) и на Биеналето во Солун (2009). Реализирал 23 лични изложби и учествувал на повеќе групни изложби во Грција и во странство.
Бил професор по ликовна уметност во Одделот за пластични уметности при Универзитетот во Јанина (2007-2010), а во моментот е соработник-професор на визуелни и применети уметности на Универзитетот на Западна Македонија, Лерин од 2010 година.
Кристина Ѕани е родена во 1985 година во Атина, Грција. Дипломирала при Факултетот за ликовни уметности. Досега имала многу самостојни изложби и учествувала во значајни групни изложби. Најважната самостојна изложба „Заборавени шепотења“ се одржала во КХ5 галерија во Цирих во 2016 година. Имала изложба во Археолошкиот музеј Игуменица „Надворешна чувствителност“ во Грција во 2016 година, изложби во Даблин...
Делата на Ѕани можат да се најдат во јавни и приватни уметнички збирки и во Грција и во странство. Таа во моментов живее и работи во Кардица, Грција.
Ново на Сител
-
Состојба на патиштата
-
Променливо облачно со сончеви периоди, попладне локален дожд
-
Сиљановска Давкова: Разговорот со Радев беше пријателски и со почит, ни за миг не ги заборавив македонските национални интереси
-
Дел од општина Центар утре без вода
-
САД со санкции против конзорциумот Intellexa кој продавал шпионска технологија на авторитарните режими
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето