Израел во напад со дрон го уби вториот човек на Хамас, прекинати преговорите за примирје

Во израелски напад со дрон во Бејрут убиен е Салех ал-Арури, заменик шефот на политичкото биро на Хамас и уште петмина други, соопштија претставници на Хамас. Арури беше еден од основачите на неговото воено крило, бригадите Касам, кои го извршија крвавиот напад на израелска територија на 7 октомври. САД минатата година понудија 5 милиони долари за информации за него.

Од Хамас нападот го оценија како кукавичко убиство, додека за Израел ова е хируршки прецизен напад. Според либанските медиуми, Хамас ги известиле посредниците во Катар дека по ова ги замрзнува сите преговори за примирје. Убиството на ал Рури беше причина за големи протести вечерва во Западниот брег.