Израелски напад врз Хамас, погодени воен камп и поморска база
Израел соопшти дека израелската војска утрово ги погодила позициите на Хамас, кој управува со Појасот Газа, откако биле истрелани ракети од таа палестинска територија.
Тоа беше првиот израелски удар против Хамас од почетокот на прекуграничните судири меѓу Израел и друга екстремистичка организација во Појасот Газа, „Исламски џихад“, кој има поддршка од Иран.
Конфликтот, најжесток во последните месеци, беше предизвикан од намерното убиство на високиот командант на „Исламски џихад“, кој заврши во четвртокот со прекин на огнот.
Израел досега се воздржуваше од напади врз Хамас, придржувајќи се до разбирањето постигнато преку египетските посредници по претходните судири со израелската војска.
Меѓутоа, денеска израелската војска го повтори ставот дека Хамас е одговорен за насилството кое потекнува од Газа, откако палестински екстремисти испукаа неколку ракети, иако беше постигнат прекин на огнот, со посредство на Египет.
Израел денеска објави дека противракетната одбрана пресретнала две ракети од Газа и дека во знак на одмазда биле нападнати воениот камп на Хамас и поморската база.
Ново на Сител
-
Курти за вонредни избори во Косово: Опозицијата да се подготви, ние сме секогаш подготвени
-
Фицо е во тешка животозагрозувачка состојба
-
МОН: Започна печатењето на одобрените учебници од прво до седмо одделение
-
Кривична пријава за полициски службеник за малтретирање во вршење на службата
-
Обид за атентат врз словачкиот премиер по состанок на Владата
-
Нетанјаху ја отфрли Резолуцијата на ОН за поддршка на признавањето на палестинската држава
-
Часовници на Шумахер продадени на аукција за 4,1 милион евра
-
Намалени производството и продажбата на шумски производи