Извештај: САД се подготвуваат да повлечат од Авганистан илјадници војници

САД се подготвуваат да ги повлечат силите од Авганистан како дел од договорот со Талибанците за ставање крај на скоро 20-годишната војна, јавуваат американските медиуми.

Вашингтон пост и Си-Ен-Ен цитираат неименувани извори кои велат дека, според договор, американските сили во Авганистан ќе бидат намалени од околу 14.000 луѓе на 8.000 на 9.000.

Договорот исто така ќе бара да започнат директни преговори со владата во Кабул.

Договорот драстично ќе го намали и бројот на персоналот во американската амбасада во Кабул и бројот на безбедносните лица, објави Си-Ен-Ен.

Извештајот се појави откако Залмај Калилзад, специјален претставник на САД за помирување во Авганистан, во средата изјави дека САД се подготвени да го „склучат договорот“ доколку талибанците направат свој дел во унапредувањето на преговорите меѓу двет страни. САД и талибанците од лани имаат среедби во обид да постигнат мирно решение за авганистанскиот судир, а новиот круг преговори треба да почне во Доха за неколку денови.