Извештајот на СЈО пред Комисијата за политички систем
Извештај за сработеното денеска на седница на собраниската Комисија за политички систем и односи меѓу заедниците ќе поднесе Специјалното јавно обвинителство за периодот од 15 септември 2017 до 15 март 2018 година.
Извештајот за активностите на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите за период од шест месеци е поместен како последна точка на дневниот ред на Комисијата. Ова е петтиот шетмесечен извештај за работата на СЈО.
Се очекува извештајот да биде презентиран од специјалната обвинителка Катица Јанева.
Членовите на собраниската комисија меѓу другото ќе расправаат и за годишните извештаи за 2017 година за работата на неколку институции.
На дневен ред се годишните извештаи за работењето на Дирекцијата за заштита на личните податоци, Државната комисија за одлучување во втор степен во областа на инспекцискиот надзор и прекршочната постапка, Државната комисија за одлучување во управна постапка и постапка од работен однос во втор степен, Комисијата за заштита на правото за слободен пристап до информациите од јавен карактер, Народниот правобранител за степенот на обезбедувањето почитување, унапредување и заштита на човековите слободи и права, како и на Агенцијата за администрација.
Ново на Сител
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа