Јапонија се подготвува да купи 150 милиони дози од вакцината на Новавакс
Јапонија ќе купи 150 милиони дози од вакцината на Новавакс против Ковид-19. Јапонската компанија Такеда се очекува да развие шема за дистрибуција на лекот кон почетокот на следната година.
Вредноста на договорот не е соопштена, бидејќи зависи од тоа дали вакцината ќе биде одобрена од Јапонија. Такеда ќе спроведе локални испитувања на препаратот.
Досега, Јапонија одобри употреба на вакцините на Фајзер/БиоНТек, Модерна и Астра Зенека.
За разлика од mRNA производите на Фајзер/БиоНТек, Модерна и Кјурвак, вакцината на Новавакс со две дози се потпира на потрадиционална техника, користејќи протеини за пренесување делови на коронавирус, направени безопасни за да предизвикаат имунолошка реакција.
Тоа значи дека овој препарат не треба да се чува на екстремно ниски температури, што потенцијално му дава логистичка предност.
Американската компанија Новавакс објави дека нејзината вакцина е 90 проценти ефикасна против коронавирусот, што се базира на студија во Северна Америка. Регулаторите на САД и ЕУ се уште не ја оценија ефикасноста на вакцината.
Минатиот месец, Европската комисија соопшти дека потпишала прелиминарен договор за набавка на 200 милиони дози од оваа вакцина, но спроведувањето на договорот зависи од одобрувањето на европското регулаторно тело.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар