Јапонска донација за поплавените
Јапонската агенција за меѓународна соработка (JICA), во присутво на почесниот генерален конзулат на Јапонија во Македонија, Казу Лешниковска, денеска во просториите на Центарот за управување со кризи изврши примопредавање на помошта за општините Арачиново, Гази Баба и Тетово, кои беа погодени од поплавите предизвикани од поројниот дожд на 6 август годинава.
Ургентната помош, како што информираат од Центарот за управување со кризи, е во вредност од 111.000 евра и вклучува пумпи, агрегати и механички алати кои ќе се употребуваат за брзи интервенции во подрачјата погодени со поплави, со што ќе се зголеми капацитетот за справување при итни ситуации.
Помошта беше обезбедена во координација на ЦУК и JICA, а актот за донација беше потпишан од страна на директорката на ЦУК, Сузана Салиу, од почесниот генерален конзулат на Јапонија, Казу Лешниковска како и од претставници од трите општини.
Ново на Сител
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени