Јавна дебата за здрава животна средина
Претставници на интелектуалната и експертската јавност денеска во Битола ќе дебатираат на тема „Здравата животна средина е основно човеково право”.
Целта на оваа јавна дискусија, како и на претходно организираните од страна на Диверзити медиа во рамки на проектот Глокал Дискусии, е да се поттикне дебата, но и да се зајакне доброто владеење.
Панелисти ќе бидат Беса Татеши, експерт за екологија од Министерството за животна средина и просторно планирање, Душко Груевски од Здружението за промовирање на еколошката свест од Битола „За нас се работи” и Анета Блажевска, локален новинар.
Проектот Глокал Дискусии предвидува 12 јавни дискусии преку кои организаторите ќе се обидат, како што велат, да создадат повеќе простор за јавна дискусија на важни теми и проблеми на државно ниво, давајќи им можност на граѓаните да се изразат и да придонесаат за овиее теми. Во дискусиите ќе бидат вклучени локални креатори на политики, интелектуалци, новинари и локални жители.
До август 2016 година ќе бидат дискутирани вкупно шест различни теми во 12 различни градови низ Македонија. Диверзити Медиа ќе изработи и 12 медиумски производи од јавните дискусии, што потоа ќе бидат објавени на платформата на Диверзити Медиа, Алсат М Телевизија, како и на социјалните мрежи на организацијата. Ќе се изработи и брошура со споредбени анализи за тоа како се перцепираат темите, односно проблемите во две различни средини.
Проектот е подржан од Civica Mobilitas, а партнер во реализацијата е телевизијата Алсат-М.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата
-
Никако да се стави крај на нелојалната конкуренција
-
Стандардот, лошото здравство и образование и партизација, основни причини за иселувањето
-
Тема на денот со Елмедин Конаковиќ, Министер за надворешни работи на БиХ