Јилдирим: Договорот од Астана го отвора патот за политичко решение на кризата во Сирија
Турскиот премиер Бинали Јилдерим денеска изјави дека спогодбата меѓу Русија, Турција и Иран за набљудување на примирјето во Сирија е „сериозен успех на дипломатијата“, пренесоа американските медиуми.
Според Јилдерим, спогодбата може да го отвори патот за политичко решение на кризата во Сирија.
Трите земји вчера соопштија што е договорено во Астана, во Казахстан, на крајот од дводневните преговори за Сирија меѓу сириската Влада и вооружената опозиција.
Јилдерим изјави дека по Астана „почнува работата“ за преговорите за Сирија, планирани на 8 февруари во Женева под агенда на ОН.
Турскиот премиер посочи дека политичкото решение за Сирија треба да ја вклучува новата сириска администрација, задржување на територијалната целост на земјата и претставување на сите групи.
Јилдерим не го спомена сирискиот претседател Башар ал-Асад, забележа американските медиуми.
Ново на Сител
-
На западот на Австралија 160 насукани, а 26 угинати китови
-
Паднаа перките на познатата ветерница над клубот „Мулен руж" во Париз
-
Атлетико сака да ја продолжи соработката со Витсел
-
Шведските клубови се изјаснија против ВАР технологија
-
Олимпискиот оган попладневно во Атина ќе им биде предаден на организаторите на ЛОИ „Париз 2024“
-
ЛШ во ракомет: Барселона на чекор до полуфинале
-
Запленети фалсификувани производи во Нови Сад и Белград, меѓу кои има бисквити, детергенти и шампони
-
Токсикологија: Поплавени лекарски канцеларии, болнички соби, сметководство, амбуланта на ОРЛ...