Јована (10) од Ресен е слепа, но свири клавир и хармоника, пишува поезија, пее и победува
Малечкото десетгодишно девојче од Ресен Јована Трајчевска од Ресен, по тешката болест загуби една битка - својот вид, но не и волјата за живот. Таа го победи својот хендикеп и храбро зачекори напред.
Слепилото не ја спречи да напише книга поезија, да научи да свири клавир и хармоника, да пее и да победува на различни натпревари, да биде активист во здружение за заѓтита на животните.
-Минатата година на регионален натпревар во соло пеење освои трето место. Трета беше и на натпреварот по математика, а успешна е и во шах. На осум години стана балкански првак меѓу слепите лица, а на осум ипол почна да пишува поезија, вели нејзината мајка, Јасмина Трајчевска.
Јована светот го гледа преку своите песни. Со нив ги изразува своите чувства, желби, надежи... Сега нејзините песни ги објави во книга поезија наречена “Тајните од моето срце“.
-Да напишам збирка песни ми требаше година ипол дена, а промоцијата ќе биде на 18 февруари во големата сала на општина Ресен. Инспирација имам од секојдневниот живот и моето семејство. Освен со поезија, како мала многу слушав композиции за клавир и гитара. Тие ми беа омилени инструменти. Не успеав да научам гитара, но затоа свирам клавир и хармоника и поради тоа сум многу среќна, вели малечката Јована Трајчевска.
Ова девојче им порачува на сите кои го загубиле видот да не се предаваат, туку да го следат своето среце и да настојуваат да го работат она што најмногу го сакаат.
Сите кои го прочитале поетското првенче на Јована Трајчевска се воодушевени од нејзиниот талент, а една од редакторките, Билјана Тодоровска вели дека ја прочитла во еден здив.
-Читајќи ги стиховит на Јована до мене допира љубовта. Посакав да бидам ѕвезда на небото и со целиот универзум да сковам договор и да ги исполнам сите желби што Јована како дожд ги испорача пред мене. Ме воведе во својата чедна желботека, а прочитав многу и за пружената рака на добрина. Нејзините стихови ме научија дека сите сме посебни цветови на оваа планета, вели Тодоровска.
Уметничката врата за малечката Јована се отвораат заедно со нејзиниот ентузијазам кон творештвото, а нејзините горди родители се подготвени да и помогнат во нејзините амбиции.
Популарно од Македонија
Ново на Сител
-
Скопјанец му се заканувал преку телефон на полицаецот кој предходно му пишал казна
-
Татко во кривопаланечко си го нападнал малолетнит син со остар предмет
-
25-годишник обил сеф на ЈП „Паркови и зеленило“ - Скопје и одзел девет пиштоли
-
Мицевски: Филипче губи контрола, со навредливи зборови кон премиерот манифестира силен страв и впечаток дека е притиснат од внатрешни поделби
-
Николоски од Брисел: Изградбата на автопатите и железницата се стратешки приоритет за Македонија
-
Детали од полициската акција: Запленети 130.000 евра, и десетина луксузни автомобили – дејствувалe во Шпанија, Грција и Србија
-
Мицкоски до бруцошите: Каде и да одите, вратете се дома и заедно да се бориме за нашата Македонија
-
Петмина лекари од битолската болница обвинети за несовесно лекување на пациентка која починала
