Јунајтед го сака Бејл

Манчестер Јунајтед подготвил 75 милиони фунти за трансфер на Герет Бејл од Реал Мадрид, тврди Daily Mail. Според истиот извор, Велшанецот не бил задоволен што тренерот Бенитез добил отказ и поради тоа сака да го напушти Мадрид.

 

Интерес за Бејл покажуваат уште две екипи од Премиерлигата, Челзи и Манчестер Сити, но наводно тој би сакал да оди во Јунајтед бидејќи таму би соработувал со својот сонародник Рајан Гигс.

 

Овој 26-годишен фудбалер во јуни 2013 година пристигна во Реал од редовите на Тотенхем за рекорден трансфер од 86 милиони фунти.

 

Со Реал ги има освоени титулите во Лигата на шампионите, шпанскиот Куп, Суперкупот на УЕФА и Светското клупско првенство.