Јужна и Северна Кореја во војна: Двете армии разменуваа оган

Северна Кореја утринава отворила оган врз јужнокорејска единица во демилитаризираната зона, јавуваат јужнокорејските медиуми. 

Цел на пукањето биле звучници во регионот на поделба во западниот дел на границата, од кои во изминатите неколку дена се пуштала пропаганда, насочена против Пјонгјанг.

Не е утврден видот на оружјето, со кој е извршен нападот. Јужнокорејското Министерство за одбрана започна истрага за инцидентот. 

Јужна Кореја отворила артилериски оган кон изворот на оган од Северна Кореја во западниот дел на меѓусебната граница. Министерството за одбрана во Сеул соопшти дека биле испукани десетици гранати со 155 милиметарски топови. 

Непосредно по објавување на информациите за инцидентот во Јужна Кореја е регистриран остар пад на националната валута во однос на доларот.