Јужнокорејски дипломат тврди дека Ким Џонг-ун е во кома и дека власта ја презела неговата сестра
Јужнокорејскиот дипломат Чанг Сонг-мин тврди дека севернокорејскиот лидер Ким Џонг-ун е во кома и дека неговата сестра ја презела контролата врз Северна Кореја, пренесува британскиот весник „Дејли мејл“.
Поранешниот помошник на починатиот претседател на Јужна Кореја, Ким Дае Јунг, тврди дека Северна Кореја ја крие вистината за влошената здравствена состојба на нејзиниот лидер и вели дека, колку што тој сфаќа, севернокорејскиот лидер е во кома.
Чанг за локалните медиуми изјави дека сестрата на Ким, Ким Jo-џонг е во позиција да преземе некои од овластувањата на нејзиниот брат.
Чанг Сонг-мин ова го тврди иако севернокорејските медиуми објавија фотографии во кои се докажува дека Ким во четвртокот присуствувал на состанок на владата.
Шпекулациите за здравствената состојба на Ким се зголемуваат поради отсуството на негови јавни настапи во текот на оваа година, пренесува „Дејли меил“.
Ново на Сител
-
Радовишанец удрил девојче со автомобил и избегал
-
Таравари: Вреди го подготвува Законот за правична застапеност
-
Таравари: Го прочитав извештајот за смртта на родилката, прес во понеделник
-
Претрес во Штип: Пронајдена дрога, приведен дилер
-
Криел дрога во автомобилите, истрага против 52-годишен дилер
-
Сообраќајка кај село Избиште
-
Мисајловски и Тошковски на показна алпинистичка вежба на ЕБР
-
Сиљановска Давкова го честита еврејскиот празник Јом Кипур