Капитенот Ристовски се повлече од репрезентацијата поради нарушени односи со селекторот Милевски

Стефан Ристовски, капитенот на фудбалската репрезентација на Македонија, ја извести јавноста дека поради нарушени односи со моменталниот селектор на ФФМ, решил да се повлече од националниот тим.

Ристовски одлуката ја објави на социјалните мрежи.

„Односот меѓу мене и сегашниот селектор Благоја Милевски не е во најдобар ред, за што и лично сме разговарале. Од моја страна му било предочено, како капитен, за се она што се случува во и околу репрезентацијата“.

Стефан Ристовски од 2011 година е стандарден репрезентативец. За националниот тим одиграл 80 натпревари, постигнал два гола.