Кастриот Реџепи: Мое приватно право е каде ќе престојувам

Откако вчера потпретседателот на ВМРО-ДПМНЕ, Александар Николоски на гостување во емисијата Дебати на ТВ Шења, го обвини Зоран Заев дека го чувал Кастриот Реџепи во премиерската вила на денот на гласањето недоверба на влада, денеска Кастриот Реџепи изјави дека негово право е каде ќе престојува за неговата и безбедноста на семејството.

-Се што имав да кажам го кажав на мојата прес конференција и јавни настапи. Мое приватно право е каде престојувам во одреден ден според мојата проценка за мојата безбедност и на моето семејство. Најбитно е дека јас како пратеник со мандат го искористив моето уставно право да одлучам според моето убедување и со тој потег се обезбеди стабилно зголемено мнозинство и непречен дијалог со Република Бугарија, изјави Реџепи за „Фокус“.