Казнети 163 возачи за брзо возење на територијата на цела држава

По спроведената засилена акциска контрола за санкционирање на возила кои се движат со брзина поголема од дозволената на територија на цела држава, санкционирани се 163 возачи, информираат од МВР.

Како што соопштуваат оттаму, од нив 15 возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволеното. Притоа, 71 возач ја пречекорил брзината во населено место, а 92 надвор од населено место.

Засилените акциски контроли продолжуваат и во наредните денови, МВР апелира до сите учесници во сообраќајот да ги почитуваат сообраќајните правила и прописи со цел придонес кон безбедноста во сообраќајот.