Кенија ги повлече своите мировници од Јужен Судан по смената на нивниот командант
Кенија соопшти дека го повлекува својот воен контингент од составот на мировните сили на ОН во Јужен Судан, откако генералниот секретар на ОН го смени кенискиот командант на „сините шлемови“, денеска информира Министерството за надворешни работи во Најроби, цитирано од американските медиуми.
Бан Ки-мун вчера од должноста го отстрани генерал Џонсон Ондиеки по објавувањето на резултатите од независната истрага, што остро ја критикува реакцијата на мировниците во крвавите напади во јули врз кампот на ОН во Џуба, главниот град на Јужен Судан, во кој беа сместени 27. 000 внатрешно раселени лица.
Во изваштајот уште се посочува дека „сините шлемови“ не одговориле на повиците за помош додека јужносудански војници беснееле во соседниот хотелски комплекс, популарен меѓу странците. Во текот на неколкуте часа војниците тепале и силувале странци кои живееле во комплексот и убиле еден локален новинар. Сето тоа, според истрагата, било резултат на неефикасното раководство на мисијата, кое не дозволило мирното населние да биде заштитено во екот на насилството во Џуба.
Кенија во мировната мисија во Јужен Судан учествува со над 1.000 војници. Таа имаше ветено дека дополнително ќе испрати уште 4.000 „сини шлемови“, но тоа засега не се реализира поради несогласувањето на некои владини службеници во Јужен Судан.
Со денешната одлука Кенија, исто така, ја информира јавноста дека „се откажува од секакви планови за учество во регионалните сили за заштита на мирните жители, кои веќе се одобрени од Советот за безбедност на ОН“.
Според кениското МНР, смената на генерал Ондиеки била извршена „нетранспарентно“, а вината за нереагирањето на суданската мировна мисија е на одделот на ОН за овие операции.
Ново на Сител
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала