Кери: Бегалската криза во Европа е „глобален предизвик“

САД ја смета за егзодус бегалската криза од Блискиот исток во Европа, изјави американскиот државен секретар Џон Кери и оценува дека кризата претставува „глобален предизвик“.

- Тоа не е проблем на некој друг. Тоа е тест за сите нас, истакна Кери во Вашингтон на заедничката прес-конференција со германскиот министер за надворешни работи Франк Волтер Штајнмаер, пренесува Танјуг. 

САД смета дека бегалската криза е глобален проблем, објасни Кери, наведувајќи дека „ударот прво го почувствувале Јордан, Либан и Турција. 

- Тие понесоа неверојатен товар од војната која трае повеќе од четири години, рече Кери. 

Кери нагласи дека приоритет е ангажманот за изнаоѓање политичко решение во Сирија со цел да се стави крај војната во Сирија и да се прекине приливот на бегалци.