Кери и принц Мохамед Ал Сауд разговараа за прекин на воените дејствија во Јемен

Американскиот државен секретар Џон Кери разговарал синоќа со саудискиот престолонаследник принц Мохамед ибн Наеф ибн Абдул Азиз ал Сауд за обнова на примирјето во Јемен, изјави портпарол на Стејт департментот.

Кери и принцот Мохамед Ал Сауд разговарале за условите неопходни за постигнување сеопфатен и траен мировен договор. Тие разговарале и за ситуацијата во Сирија, договороот од Женева и неопходноста за активирање на напорите во борбата против ИД.

Пред средбата, Кери го обвини сирискиот претседател Башар Асад за воздушните удари врз хуманитарен конвој во Сирија.