Кои „бебиња“ се од светска класа?!

Легендарниот менаџер на Манчестер Јунајтед, сер Алекс Фергусон, во својата најнова книга открива интересни детали поврзани со фудбалерите кои ги тренирал во Јунајтед. Фергусон, кој веќе една година предава на Харвард, само четворица играчи со кои работел на „Олд Трафорд“, може да каже дека се светска класа.

 

Фергусон 26 години го тренираше Манчестер Јунајтед, во тој период освои 38 трофеи, меѓу кои два во Лигата на шампионите и 13 во Премиерлигата.

 

„Пол Сколс, Ерик Кантона, Кристијано Роналдо и Рајан Гигс. Тоа беа најдобрите играчи кои правеа разлика на теренот. Кога од Лидс пристигна Кантона веднаш ја освоивме шампионската титула. Гогс и Сколс беа фантастични фудбалери и поради тоа имаа долги и успешни кариери. Роналдо е апсолутен гениј“, напишал Фергусон.

 

Многу бргу по презентацијата, сер Алекс се сретнал со англиските новинари и нивните прашања околу Руни, Бекам, Кин, Тевез, Фердинанд, Шмајхел.

 

„Сите тие се големи играчи, но сите тие ги преценија своите можности“.