Комеморативно-културна манифестација во Шибеник во чест на жртвите од пожарот во Кочани
Комеморативно-културна манифестација во чест на жртвите од пожарот во Кочани ќе се одржи вечерва во Шибеник, во организација на Хрватско-македонска тангента.
По повод Светскиот ден на поезијата 21 март, Хрватско-македонската тангента организира специјална вечер посветена на моќта на зборовите и споменот на оние кои повеќе не се меѓу нас.
-Годинава со писма и поетски интерпретации ќе им оддадеме почит на жртвите од трагичниот пожар во дискотеката во градот Кочани, настан кој ја зави Македонија во црно. Во време кога се сеќаваме на трагедијата што погоди толку многу семејства, сакаме да изразиме солидарност, сочувство и вечен спомен на младите животи изгубени преку уметноста. Поезијата не учи како да ја пронајдеме убавината низ тагата и како зборовите можат да изградат мост меѓу болката и надежта, велат од Хрватско-македонска тангента.
Настанот ќе се одржи во Прес центарот во Шибеник, а покровител е Советот за национални малцинства на Република Хрватска.
Во пожарот во дискотеката „Пулс“ во Кочани на 16 март животот го загубија 59 лица, а околу 200 беа повредени.
Ново на Сител
-
Зеленски: Украина е максимално конструктивна во разговорите во Саудиска Арабија
-
Имамоглу суспендиран од функцијата градоначалник на Истанбул
-
Куп на ЕХФ: Алкалоид ремизираше против Минаур Баја Маре
-
Со едночасовен молк во скопскиот Градски парк стотина млади оддадоа почит на загинатите во пожарот во Кочани
-
Во Ријад почнаа разговорите на делегациите на САД и Украина
-
Двајца осомничени, илегално пренесувале амфетамин од Скопје до Гевгелија
-
Во Белград се одржа првиот состанок на Движењето за народот и државата
-
Насилство на скопската обиколница, предложен притвор за осомничениот