Конечно зад решетки „балканскиот Eксобар“ Клемент Балили

По двегодишно бегство денеска во Полицискиот комесаријат во Тирана се предаде Клемент Балили, инаку познат како „балкански ескобар” и „барон на дрогата”.

Тој се предал во придружба на неговиот адвокат, во време кога Обинителството за тешки кривични дела до судот достави досие од истрагата за најмалку четири кривичн дела, едно од нив  „меѓународна трговија со дрога“.

Без оглед на тоа дека сам се предал,полицијата тврди дека 46-годишниот Балили не можел повеќе да го избегне притисокот на полицијата која се повеќе му се приближувала, посебно последните два месеца во градот Деливна,каде се криел.

-Албанската полиција ја финализираше акцијата,оценета како повеќе од значајна, за апсење на Клемент Балили, по една оперативно-прислушуван процес,во соработка со тајните служби  и нашите партнери. Од денска албанското правосудство го зема во раце еден од најбараните личности во Албанија,со што граѓаните и нашите партнери,не добиваат само значајна вест,туку многу јасен сигнал за Албанја што ја сакаме,-изјави албанскиот прв полицаец Сандер Леши.

Обвинителството соопшти дека ќе бара притвор за Балили.

Премиерот Рама експресно преку социјалните мрежи го поздрави апсењето на Балили,оценувајќи го како голем чекор во борбата против организираниот криминал.Тој ги пофали министерот, генералниот директор и полицијата.

Претседателот Илир Мета го поздрави приведувањето на Балили,човек „со многу проблеми со законот“. Мета при оваа прилика се заблагодари на домашнте служби но и меѓународните партнери за „сеопфатната пресија  за постигнување на овој резултат“.