Конференција „Македонија кон целосно членство во НАТО“
Конференција на тема „Македонија кон целосно членство во НАТО“ ќе се одржи денеска во Министерството за надворешни работи.
Учесниците на конференцијата ќе дискутираат за теми поврзани со процесот на пристап на Македонија во НАТО, реформските зафати неопходни за исполнување на критериумите за членство и заложбите на новата Влада за деблокирање на евроатланскиот интегративен процес, како и за чекорите преземени за подобрување на добрососедските односи.
Конференцијата ќе ја отвори директорот на Институтот за геостратешки истражувања и надворешна политика при МНР (ИГИНП), амбасадорот Абдулкадар Мемеди, а воведно обраќање ќе има министерот за надворешни работи Никола Димитров, како и амбасадорите на САД, Џес Бејли и на СР Германија, Томас Норберт Герберајх.
На конференцијата најавено е учество и на високи претставници на Европскиот центар за безбедносни студии, НАТО, владини институции, како и на дипломатски претставници и на академската заедница.
Во рамки на конференцијата ќе се одржат и две специјализирани панели на теми - „НАТО придонеси кон безбедноста и стабилноста на Западниот Балкан“ и „Република Македонија и НАТО: од активно партнерство до целосно членство“.
Конференцијата се одржува во коорганизација со Институтот за геостратешки истражувања и надворешна политика при МНР, Европскиот центар за безбедносни студии Џорџ Маршал и Алумни Асоцијација на Маршал центарот во Македонија.
Ново на Сител
-
ДИК: Двојните избори утре ќе ги следат 1303 домашни и 860 странски набљудувачи, како и 83 странски новинари
-
Во општина Маврово-Ростуше гласаат 68 болни и изнемоштени лица
-
Малолетник прегазен во Велес, пренесен во скопските Клиники
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти