Конференција за дивите депонии и загадувањето
„Загадување на воздухот и нерегулираните депонии“ е темата на денешната меѓународна конференција „GREDIT 2018“ во организација на Балканската асоцијација за животна средина, Комората на овластени архитекти и овластени инженери на Македонија, Пакомак, Организацијата ФУЕЛ и 6-тата ѕвезда.
На дводневната конференција во амфитеатарот на Технолошко-Металуршкиот факултет во Скопје, околу 300 научници од 20 држави ќе дебатираат за важноста на зелените пристапи при управување со животната средина, преку планирање и искористување на еколошките технологии и системи во одржливите Зелени инфраструктури.
Најавено е и обраќање на вицепремиерот задолжен за економски прашања Кочо Анѓушев.
На втората научна меѓународна конференција на „GREDIT“ ќе бидат претставени 150 научни трудови на автори од Македонија, Иран, Турција, Кипар, Грција, Бугарија, Романија, Молдавија, Украина, Русија, Албанија, Србија, Косово, Црна Гора, Босна, Хрватска, Италија, Португалија, Велика Британија, Соединетите Американски Држави и други земји.
„ГРЕДИТ 2018“ е посветена на зелениот развој, зелената инфраструктура и зелените технологии. Според организатороите, веднаш по заклучоците од „ГРЕДИТ 2016“ стана јасно дека е потребно научните и техничките достигнувања од областа на влијанијата врз животната средина практично да бидат применети.
Ново на Сител
-
Деветмесечно бебе донесено во неконтактибилна состојба, починало во болница во Охрид
-
ДИК ги соопштува освоените мандати за пратеници во новиот парламентарен состав
-
Претрес во Струмица, приведен осомничен дилер
-
Кривична против градоначалник за незаконско располагање со буџетски средства за време на избори
-
Расчистено двојното убиство во Стајковци
-
Напаѓачот на Фицо призна вина
-
Кривична и истрага против вработена во СВР Скопје, посредувала за добивање социјални станови
-
Костадиновска-Стојчевска: Музеите имаат заштитничка улога за нашата историја, култура и идентитет