Конфискувани четири милијарди долари на поранешниот претседател на Судан
Властите на Судан конфискуваа банкарски сметки на поранешниот претседател на земјата Омар ал Башир, на негови роднини и соработници во вредност од четири милијарди долари, објави телевизијата Ал Арабија, повикувајќи се на податоци од суданската Комисија за борба против корупција.
Вредноста на сметките и акциите во различни компании, кои се сопственост на поранешниот шеф на државата, на членовите на неговото семејство и на негови соработници, според првичните проценки изнесува меѓу 3,5 и четири милијарди долари.
Омар ал Башир управуваше со Судан 30 години и е соборен од власт со воен преврат на 11 април минатата година, по масовните протести во земјата.
Армијата формираше времен Воен совет, го распушти Парламемтот и го суспендираше Уставот.
Во септември 2019 година беше формирана преодна влада, а во декември истата година Ал Башир е осуден на две години затвор по обвинение за корупција.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи