Конвој на ИД се движи кон источна Сирија, по договорот со Либан

Конвој возила со борци на терористичката група Исламска држава и нивни блиски, согласно договорот со Либан, се прибилижуваат до пунктот за размена во источна Сирија, од каде што ќе бидат префрлени во област контролирана од ИД, објави медиумот на движењето Хезболах, пренесува БТА.

Конвојот автобуси и комбиња вчера ја напушти либанско-сириската граница придружуван од возила на сириските воени сили, по стапувањето во сила на договорениот прекин на огнот, коешто се случи завчера.

Договорот стави крај на еднонеделната офанзива на либанската Армија и Хезболах, од една страна, и на сириски трупи, од спротивната, во планинска енклава на ИД по границата меѓу Либан и Сирија.