Корона статистика: Само Црна Гора вчера со поголема смртност од Македонија
И покрај податокот дека неколку дена по ред имаме помалку од 10% инфицирани од бројот на спроведени тестови, Македонија и натаму се наоѓа на врвот во Европа според смртноста која ја предизвикува корона вирусот.
Во текот на вчерашниот ден само Црна Гора имала поголема смртност од Македонија. Со 3 жртви оваа земја со нешто над 600.000 жители се наоѓа пред Македонија каде вчера починаа 6 лица што е смртност од 2,9 на милион граѓани. Вкупната бројка на дијагностицирани случаи од почетокот на кризата е 11.399 што е 5ипол пати од онаа првична бројка од 2.000 која ја прогнозираа надлежните. Вкупно починале 517 пациенти а како активни случаи се уште се водат 3402 лица.
Повеќе од третина од нив, 1.231 се во главниот град, а по Скопје, следното најголемо жариште е Штип каде се уште има 381 активен случај.
Во Скопје најлоша слика имаме во Чаир каде има 164 активни случаи. Следи Аеродром со 139 и Кисела Вода со 129 активни случаи.
Во меѓувреме останува на сила мерката за задолжително носење на заштитна опрема а од полицијата информираат дека во изминатите 24 часа напишале 297 казни на граѓани кои не носеле заштитна маска.
Александар Спасовски
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот