Корона вирусот нема влијание врз македонскиот туризам
Македонскиот туризам нема да биде значително погоден од негативениот ефект што го предизвика корона вирусот. Во земјава годишно доаѓаат по околу 7000 – 10000 кинески туристи, најчесто како дел од регионалните тури. Тоа е релативно мала бројка за да предизвика какво било влијание врз секторот, вели директорот на Агенцијата за промоција и поддршка на туризмот, Љупчо Јаневски.
Според Јаневски, нашите тур-оператори и сместувачки капацитети засега сé уште не ги откажуваат турите во кои има и кинески туристи, иако тоа е веќе случај со некои од државите на Балканот и во Европа.
-Уделот на азиските туристи не е на високо ниво, а и во 2020 година не треба да очекуваме голем ефект. Точно е дека има одреден број откажани групи, но од страна на странските тур-оператори, а не од нашите, зашто во регионот па и во Европа се случува откажување на сместувачкуте капацитети кои не сакаат да ги примат гостите од Кина. Тоа кај нас сé уште се нема случено и се надевам дека нема да се случи, но мораме да почекаме, да видиме како ќе се одвива ситуацијата, истакна Јаневски на прес-конференција, одоговорајќи на новинарски прашања.
Тој уште еднаш укажа на проблемот со визите за кинеските туристи кој, додаде, мора да се надмине за овие гости да се задржуваат ден повеќе во земјава.
Последните статистики велат дека минатата година земјава ја посетиле 14.000 туристи од Кина и биле реализирани 20.000 ноќевања.
Ново на Сител
-
Дачиќ: Хулигани во Белград до смрт го претепале братот на вицепремиерот на Владата на Федерацијата БиХ
-
Столтенберг: НАТО е најуспешен сојуз во историјата
-
ЦУК: Три пожари на отворено, во нива пронајдена граната
-
Повредени две лица во сообраќајка на експресниот пат Штип-Кочани
-
Извршен увид по пукањето на булеварот „Никола Карев“
-
Напиток од портокал, ѓумбир и морков за младешка кожа
-
ПМФЛ: Вардар го зачува прволигашкиот статус
-
Еден загинат, а двајца ранети во пукањето на „Пластичарска“