Косовската коалиција ПАН во потрага по коалициски партнери
Коалицијата ПАН, што ја сочинуваат Демократската партија на Косово (ПДК), Алијансата за иднината на Косово (ААК) и Иницијативата за Косово, иако победи на неделните косовски предвремени парламентарни избори, сепак ќе мора да бара други коалициски партнери за да формира нова влада.
Според прелиминарните резултати, како што јави дописникот на МИА, ПАН освои 39 пратенички места во 120-членото Собрание на Косово, па ќе и треба поддршка од уште најмалку 22 пратеници за обезбедување парламентрано мнозинство.
ПАН не ќе може да обезбеди мнозинстви ниту со вклучување во владината коалиција на десетте пратеници на Српската листа и десетте пратеници од малцинските заедници. Таквата коалиција предводена од ПАН би имала 59 пратеници, па за мнозинство и се потребни уште два пратеника и затоа мора да бара и друг коалициски партнер за формирање влада.
Ако се има во предвид дека Демократскот сојуз на Косово (ЛДК) и Движењето „Самоопределување“ категорично отфрлија каква било можност за коалиција со ПАН, тогаш „клучот“ за формирање влада останува кај Алијансата за Ново Косово (АКР) на Беџет Пацоли.
Партијата на Пацоли, кој е еден од најбогатите Албанци во светот, на изборите беше во коалиција со ЛДК на премиерот Иса Мустафа и партијата Алтернатива, па затоа треба да се почекаат официјалните резултати од изборите за да се види колку пратеници има секоја партија одделно во оваа коалиција.
Ново на Сител
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ
-
Министерство за здравство: Ќе се утврдат причините за смртта на 14-месечно бебе
-
Спасувачите трагаат по исчезнати по поплавите и свлечиштата во Јабланица
-
Досега нема кривична пријава поврзана со „Конти“, граѓаните да внимаваат при вложување пари во вакви апликации
-
Лазов: ДСЗИ ќе изврши вонреден инспекциски надзор во здравствените установи каде починатотото бебе било претходно лекувано
-
МОН: Честит 5 Октомври – Светски ден на учителот
-
Над 20 интервенции ноќеска во поплавени куќи во Тетово