Косовската опозиција се заканува со секојдневни протести

Три косовски опозициски партии му поставија рок на премиерот Иса Мустафа до 17 февруари да поднесе оставка или во спротивно тие ќе организираат секојдневни протести, пишува приштинскиот весник „Зери“.

Опозицијата бара од Мустафа до овој рок да поднесе оставка и да распише предвремени избори.

Членот на раководството на Алијансата за иднина на Косово, Мухарем Нитај изјави дека на Владата би требало да и биде доволно за да реагира по двата масовни протеста на 28 ноември 2015 година и 9 јануари годинава, со цел да сфати дека избори се единственото решение.